Fjölbrautaskólinn við Ármúla

-

Námsleið: Almennt nám

-

Námsbraut: Almenn braut

 

Námslína: Almenn braut

Upplýsingar skóla um námið

Almenn námsbraut Fjölbrautaskólans við Ármúla er fyrir tvo hópar nemenda. Annars vegar þá sem ekki hafa ákveðið á hvaða námsbrautir þeir vilja skrá sig. Þeir eru á Almennri námsbraut uns þeir velja aðra braut.

Hins vegar er AN fyrir nemendur sem ekki fullnægja inntökuskilyrðum sem krafist er á aðrar brautir skólans. Á Almennri námsbraut stendur þeim til boða sérstakt nám í upprifjunaráföngum og annar stuðningur. Markmiðið er þeir geti með þessum stuðningi fært sig yfir á aðrar bóknámsbrautir skólans. Nemendunum á AN er heimilt að velja áfanga af öðrum bóknámsbrautum meðan þeir stunda nám í upprifjunáfanga og stuðningsáfanga.

Á Almennri námsbraut er boðið upp á upprifjunaráfanga, svonefnda 193-áfanga, í íslensku, ensku, dönsku og stærðfræði. Þeir heita ÍSL 193, ENS 193, DAN 193 og STÆ 193. Hér er um er að ræða upprifjun á námsefni grunnskólans og undirbúning undir frekara nám í framhaldsskóla. Nemendur fá námseiningar fyrir þessa áfanga og þær nýtast sem valeiningar.

Nemendur í 193-áföngum eru jafnframt í áfanganum SNÝ 193. Það er stuðningsáfangi fyrir nýnema. Í þeim áfanga fá nemendur sérstaka aðstoð við nám sitt í viðkomandi 193-áfanga. Kennari SNÝ-áfangans er jafnframt umsjónarkennari þeirra nemenda.

Rík áhersla er lögð á aðhald með nemendum á Almennri námsbraut, bæði hvað varðar mætingar og ástundun í námi. Í því sambandi leggur FÁ mikla áherslu á samstarf heimilis og skóla með sterku umsjónarkerfi og reglulegu sambandi. Stefnt er að því að hafa einstaklingsfundi með nýnema á AN og foreldrum þeirra í upphafi haustannar 2008.

Samkvæmt samningi við menntamálaráðuneytið tekur Fjölbrautaskólinn við Ármúla við nemendum á Almenna námsbraut úr hverfum Reykjavíkur með póstnúmer 105 og 108.

Kennslustjóri Almennrar námsbrautar stýrir starfi brautarinnar í samstarfi við kennara SNÝ-hópanna.

Lengd náms og einingar

Námsgerð í boði:

Tengiliður náms: