Fjölbrautaskólinn í Garðabæ

Fjölbrautaskólinn í Garðabæ

Fjölbrautaskólinn í Garðabæ er almennur framhaldsskóli með megináherslur á öflugar bóknámsbrautir, íþrótta-  og listnámsbraut. Boðið er upp á sérstaka þjónustu á þessum brautum fyrir nemendur með góðan vitnisburð úr grunnskóla undir kjörorðunum: Hópur - hraði - gæði.

Skólinn hefur skapað sér sérstöðu fyrir kraftmikið og vaxandi listnám, bæði á sviði myndlistar og textíl- og fatahönnunar. Skólinn starfar í glæsilegu húsnæði við Skólabraut í Garðabæ sem búið er fullkomnum kennslubúnaði í listgreinum og raungreinum, tölvubúnaði af bestu gerð og góðri lesaðstöðu. Mjög góð íþróttaaðstaða er fyrir hendi og boðið er upp á sérstakt afreksíþróttasvið sem gefur einingar til stúdentsprófs. Það nýjasta á sviði íþrótta eru áfangar í hestaíþróttum.

Upplýsingar um námsbrautir

Námsbrautir til stúdentsprófs

• Félagsfræðabraut
• Íþróttabraut 
• Listnámsbraut
• Málabraut  
• Náttúrufræðibraut 
• Viðskipta- og hagfræðibraut  
• Viðbótarnám til stúdentsprófs 

Styttri námsbrautir

• Almenn braut
• Íþróttabraut (72 ein.)
• Listnámsbraut (105 ein.)
• Leikskólaliði_brú
• Námsbraut fyrir leikskólaliða
• Starfsbraut (4 ár)
• Tískubraut (25 ein.)

Nánari upplýsingar í námsvísi á heimasíðu skólans. 

Félagslíf. Skólinn vill stuðla að heilbrigðum lífsháttum og jákvæðri lífssýn nemenda sinna. Nemendur eru hvattir og styrktir til þátttöku í listum, hönnun, íþróttum, ferðamennsku og öðrum viðfangsefnum sem efla lífsgleði. 

Helstu þættir félagslífsins eru:

• Busavígsla og busaball
• Haustferð í Þórsmörk
• Galadansleikur
• Imbrudagar og árshátíð
• Uppsetning söngleiks
• Klúbbastarfsemi: snjóbretti, leiklist o.fl.
• Skólablað
• Ræðukeppni, spurningakeppni og söngkeppni framhaldsskólanna
• Þátttaka í íþróttaviðburðum framhaldsskólanna
• Náms- og kynnisferðir, innanlands og utan
• Skemmtikvöld í stórum og vel útbúnum hátíðarsal