Menntaskólinn í Kópavogi

Starfsnám er mjög fjölbreytt hvað varðar skipulag, umfang og inntak. Námið er oftast verklegt og bóklegt og fer fram í skóla og á vinnustað. Námstími er mislangur, allt frá einni önn upp í fjögur ár. Námið getur leitt til tiltekinna starfsréttinda sem eru lögvernduð, eða veita undirbúning og þjálfun fyrir tiltekin störf án þess að um lögvernduð starfsréttindi sé að ræða. Hér á eftir má lesa lýsingar á starfsnámi, markmiðum þess og lengd námsins. Gagnlegar upplýsingar má finna á vef menntamálaráðuneytisins og vef Iðunnar fræðsluseturs.

Löggilt iðngrein. Markmið námsins er að gera nemendum kleift að öðlast þá þekkingu og færni sem matreiðslumönnum er nauðsynleg í störfum sínum á hótelum, farþegaskipum, veitingahúsum, kaffihúsum, í mötuneytum eða annars staðar þar sem veitinga- eða veisluþjónusta er í boði. Meðalnámstími er fjögur ár, samtals þrjár annir í skóla og 126 vikna starfsþjálfun.