Fjölbrautaskólinn í Breiðholti

-

Námsleið: Starfsnám

-

Námsbraut: Uppeldis- og tómstundagreinar

 

Námslína: Íþróttabraut

Upplýsingar skóla um námið

Gagnlegt og uppbyggilegt nám með skemmtilegu fólki

Í áföngum á íþróttabraut fræðast nemendur um allt sem viðkemur þjálfun í íþróttum. Byrjað er á að fjalla um íþróttir barna og svo byggt ofan á það með íþróttasálfræði og þjálffræði. Í íþróttagreinum er tekin fyrir þjálfun barna í hinum ýmsu íþróttagreinum. Nemendur ljúka þjálfarastigi ÍSÍ (1a, b og c) í a.m.k. fjórum íþróttagreinum, allt eftir eigin áhuga. Auk þess klára nemendur almennan hluta 1 og 2 í þjálfarastiga ÍSÍ.

Nemendur á íþróttabraut mynda ákveðinn skemmtilegan kjarna í skólanum og kynnast vel.

Markmið íþróttafræðináms er að veita nemendum fræðilega og verklega undirstöðuþekkingu í kennslu og þjálfun íþrótta og hreyfináms fyrir börn og unglinga. Námið er skilgreint sem 73 eininga sjálfstætt starfsnám þar sem starfsvettvangur er þjálfun barna og unglinga hjá félagasamtökum og skólum. Námið nýtist einnig sem heppilegur undirbúningur fyrir háskólanám á sviði íþróttafræða hér á landi sem erlendis.

Íþróttabrautin í Fjölbrautaskólanum í Breiðholti er með þeim stærri á landinu og er í örum vexti. Það starfa 6 íþróttakennarar með ólíka reynslu við FB. Þar af leiðandi er breiddin og fjölbreytnin í kennslu og íþróttagreinum mjög mikil í skólanum.

Í FB er frábær aðstaða til íþróttaiðkunnar:
• Sundlaug – inni og úti
• Stór glæsilegur íþróttasalur
• Gervigrasvöllur í fullri stærð
• Ný lyftingatæki
• Fallegt umhverfi fyrir útivist

Íþróttabrautin passar vel við aðrar brautir skólans og er auðvelt að taka með öðrum brautum skólans þannig að það er t.d.hægt að útskrifast af félagsfræðabraut með íþróttafræði og íþróttagreinar í kjörsviði.

Nemendur á íþróttabraut geta lokið stúdentsprófi með tvennum hætti:
1. Með því að nota námið sem kjörsvið eða frjálst val á bóknámsbrautum.
2. Lokið viðbótarnámi til stúdentsprófs.

Lengd náms og einingar

Námsgerð í boði:

Tengiliður náms: